ထိရောက်စွာ အလုပ်လုပ်ကိုင်နိုင်မယ့် နည်းလမ်း(၅)သွယ်

*** Unicode ***

#POINT #Point Youth PlatformIntel ရဲ့စီအီးအိုဟောင်း Andy Grove က နေ့စဉ်အလုပ်ကိုမနက်၈နာရီလာပြီး ညနေခြောက်နာရီတိုင်း အလုပ်ဆင်းလေ့ရှိပါတယ်။ Facebookရဲ့ စီအိုအို Sheryl Sandberg က ခြောက်နာရီမှာ သူ့ကလေးတွေနဲ့ ညစာအတူစားဖို့ ညနေတိုင်း ငါးနာရီခွဲလောက် ရုံးဆင်းပါတယ်။

VMware ရဲ့ စီအီးအို Pat Gelsinger ကို သူ့အတွင်းရေးမှူးက ငါးနာရီမှာ အိမ်ပြန်ရောက်တဲ့အတွက် ချီးကျူးထားပါတယ်။မင်းက ဦးဆောင်နေတဲ့လုပ်ငန်းရှင် တစ်ယောက်ပဲဖြစ်ဖြစ်၊ Freelancer(အလွတ်တန်း) တစ်ယောက်ပဲဖြစ်ဖြစ်၊ အလုပ်မှာအံဝင်ခွင်ကျနဲ့ အထိရောက်ဆုံးလုပ်ကိုင်နိုင်ဖို့ ရုန်းကန်နေရနိုင်ပါတယ်။

သူ့အချိန်နဲ့သူ ကွန်ပြူတာကို ပိတ်နိုင်ဖို့လည်း ခက်ခဲနေနိုင်ပါတယ်။ ဒါပေမဲ့ လုပ်ငန်းခွင်မှာ ထိရောက်စေဖို့က အပြုအမူအနည်းငယ်လောက်ကို ပြောင်းလဲလိုက်ဖို့ပဲလိုပါတယ်။

၁။ အာရုံစူးစိုက်ပါ။

ကျွန်တော်တို့က စိတ်ပျံ့လွင့်စရာတွေများတဲ့ကမ္ဘာကြီးထဲမှာ နေထိုင်နေကြတာပါ။ တစ်ချို့ကတော့ ကျွန်တော်တို့ရဲ့ဖုန်းတွေက အချက်ပေးသံတွေပေါ်မှာပဲ အာရုံရောက်နေကြတယ်။ Jennyက သူ့ဖေ့စ်ဘုတ်မှာ တင်ထားတဲ့ Labradoodleပုံလေးမှာ နောက်ထပ် lilkeလုပ်တဲ့ သူရှိပြီလားဆိုတာကိုကြည့်ဖို့ တစ်နေ့ကို53ခါလောက် ဖုန်းကိုစစ်ဆေးကြည့်နေသလို တခြားသူတွေကလဲ ကိုယ့်ကိုယ်ကိုပဲ အာရုံစိုက်နေကြပါတယ်။

နည်းပညာကြောင့်ဖြစ်လာရတဲ့ စိတ်ပျံ့လွင့်မှုတွေကြောင့် ကျွန်တော်တို့က ဘာမှအကျိုးမရှိတဲ့အလုပ်တွေကို လုပ်ရင်း အချိန်တွေကုန်ဆုံးနေကြတယ်လို့ Cal Newportက Deep Workဆိုတဲ့စာအုပ်ထဲမှာ ပြောထားပါတယ်။

အမြဲတမ်းစိတ်ပျံ့လွင့်နေတာကြောင့် အကျိုးရှိမဲ့စီမံချက်အများစုကို တိုးတက်လာအောင် အာရုံစိုက်ကြဖို့ မေ့လျော့နေတတ်ကြပါတယ်။ကျွန်တော်တို့လုပ်ရမဲ့အရာက အာရုံစူးစိုက်ဖို့ပါပဲ။ လေ့ကျင့်ခန်းကိုစလုပ်တဲ့အချိန်မှာ ပထမဆုံးအကြိမ်ကို ပေါင်တစ်ရာကနေစပြီးတော့ မလုပ်ကြပါဘူး။ ကြွက်သားထွက်အောင်လုပ်မယ်ဆိုရင် ဖြေးဖြေးချင်းလုပ်ရမှာပါ။

ပြီးတော့ လေ့ကျင့်ခန်းကိုစလုပ်မယ်ဆိုရင် ဖုန်းကအချက်ပေးသံအားလုံးကိုပိတ်ထားပြီး မိနစ်သုံးဆယ်လောက်ပဲအာရုံစိုက်လုပ်လိုက်ပါ။ အဲ့ဒီလိုနဲ့ ကျွန်တော်စလုပ်ခဲ့တာပါ။

၂။ အချိန်အကြာကြီးအနားယူမယ့်အစား ခဏခဏအနားယူပေးပါ။

အလုပ်များပြိးတော့ အချိန်အကြာကြီးအလုပ်လုပ်ရတဲ့အခါမှာ အနားယူဖို့မေ့နေတတ်ပါတယ်။ ဒါမှမဟုတ် အနားယူဖို့ အချိန်မရှိဘူးလို့ထင်နေတတ်ပါတယ်။ ကံမကောင်းစွာနဲ့ ဒါက မင်းကို လုပ်ဆောင်နိုင်စွမ်း ပိုလျော့ကျသွားစေပါတယ်။အလုပ်ကိုအထိရောက်ဆုံးလုပ်နိုင်တဲ့သူတွေက ၅၂မိနစ်အလုပ်လုပ်ပြီးတော့ ၁ရမိနစ် အနားယူကြတယ်လို့ လေ့လာမှုတစ်ခုမှာ ပြောထားပါတယ်။

တခြားသုတေသနတွေက မိနစ်သုံးဆယ်တစ်ခါအနားယူသင့်တယ်လို့ပြောထားပါတယ်။တစ်နာရီမှာငါးမိနစ်လောက်လမ်းလျှောက်ပေးတာက အားအင်ပြည့်ဝစေပြီး နေ့လည်ခင်းပိုင်းမှာ ပင်ပန်းမှုတွေလျော့ကျစေကာ တက်ကြွလာပါတယ်။ဒီလိုဖြစ်လာစေဖို့ မိနစ်ခြောက်ဆယ်ကြာတဲ့အစည်းအဝေးတွေကို ကျွန်တော်တားမြစ်ထားပါတယ်။

အဲ့ဒီအစား မိနစ်ခြောက်ဆယ်ကြာတဲ့အစည်းအဝေးကို မိနစ်ငါးဆယ်လောက်ဖြစ်အောင် လုပ်လိုက်ပါတယ်။ ဒါကတော့ခဏလောက်လမ်းလျှောက်ဖို့နဲ့ နောက်အစည်းအဝေးအတွက် ပြင်ဆင်ဖို့ အချိန်ကိုပေးနိုင်ပါတယ်။

၃။ အလုပ်စားပွဲမှာ နေ့လည်စာမစားပါနဲ့။

အမေရိကန်လူမျိုး ၆၂ရာခိုင်နှုန်းလောက်က သူတို့ရဲ့စားပွဲမှာပဲ နေ့လည်စာစားတတ်ကြတာကို သိပါသလား။ ကျွန်တော်ကအမေရိကန်လူမျိုးမဟုတ်ပေမဲ့ ဒီလိုလူတွေထဲမှာ ပါဝင်နေတာကိုဝန်ခံရတာ ရှက်စရာပါပဲ။ အစားစားရင်းအလုပ်လုပ်တာက ပိုပြီးတော့ ထိရောက်တယ်လို့ထင်နေကြတာမလား။

ဒါက မှားယွင်းမှုတစ်ခုပါပဲ။နေ့လည်စာကိုအလုပ်စားပွဲပေါ်မှာမဟုတ်ပဲ တစ်နေရာရာမှာစားတဲ့ရိုးရှင်းတဲ့လုပ်ဆောင်ချက်တစ်ခုက အလုပ်နေရာမှာစိတ်ဖိစီးမှုတွေလျော့ချပေးပြီး နေ့လည်ပိုင်းမှာ ပိုပြီးတက်ကြွလာစေနိုင်တယ်လို့ သုတေသနတွေက ပြောထားပါတယ်။ အိမ်ခြံမြေအကျိုးဆောင်ကုမ္ပဏီ CBRE တွင် Torontoရုံးခန်းက သူတို့ရဲ့အလုပ်စားပွဲမှာ နေ့လည်စာစားခြင်းကို တားမြစ်ထားပါတယ်။

၄။ လွယ်ကူတဲ့အလုပ်နဲ့ စတင်လိုက်ပါ။

ပရောဂျက်တစ်ခုကိုစပြီးတော့လုပ်ဖို့ ထိုင်လိုက်တဲ့အချိန်မှာ မင်းကစိတ်တွေပျံ့နှံ့ပြီး ဘယ်ကစလုပ်ရမှန်းမသိ ဖြစ်နေတတ်ပါတယ်။ တစ်ခါတလေမှာ စတင်ဖို့ ခက်ခဲနေတတ်ပါတယ်။Ernest Hemingway လို စာရေးဆရာတွေတောင် ဒီပြသနာကို ရှောင်ရှားလို့မရပါဘူး။ မနက်ပိုင်းမှာ တက်ကြွမှုတွေနဲ့ စတင်နိုင်ဖို့ Hermingway က သူ့ရဲ့အရေးအသားတွေကို တစ်ဝက်လောက်မှာ အဆုံးသတ်ထားလေ့ရှိပါတယ်။

သူကစာကြောင်းကိုအဆင်သင့် ဆက်ရေးနိုင်တဲ့အတွက်ကြောင့် နောက်ရက်မှာ စလုပ်ဖို့လွယ်ကူစေတယ်လေ။Hermingwayရဲ့နည်းလမ်းက လွယ်ကူတဲ့အလုပ်ကိုစတင်တဲ့နည်းလမ်းနဲ့ စာရေးသားခြင်းပဲ ဖြစ်ပါတယ်။ လွယ်ကူတဲ့အလုပ်နဲ့ စတင်တဲ့အတွက်ကြောင့် ပျင်းရိနေတဲ့ဦးနှောက်ကို အစပျိုးပေးလိုက်တာပါပဲ။

၅။ အလုပ်ကို အိမ်မယူသွားပါနှင့်ရုံးဆင်းပြီး အိမ်ပြန်ရောက်တဲ့အခါမှာ အလုပ်ထပ်လုပ်ဖြစ်ဖို့က လွယ်ပါတယ်။

မင်းက ဒီလိုပုံစံ မဟုတ်ဘူးဆိုရင်တောင် ငါးနာရီကျော်သွားပေမဲ့ အလုပ်ကရလာတဲ့စိတ်ဖိစီးမှုတွေက စိတ်ထဲမှာ တဝဲလည်လည်ဖြစ်နေဖို့ လွယ်ကူပါတယ်။အလုပ်ကစိတ်ဖိစီးမှုတွေကိုလျော့ချဖို့ဆိုတာက ရုံးဆင်းတာနဲ့ မင်းရဲ့အလုပ်တွေကို စိတ်ထဲမှာ တဝဲလည်လည်မဖြစ်နေဖို့လိုတယ်လို့ စာရေးဆရာDan Pink ကအကြံပေးထားပါတယ်။

ပြီးတော့ အထူးသဖြင့် သူက တစ်နေ့တာ လုပ်ဆောင်ပြီးမြောက်ခဲ့တာတွေကို ချရေးဖို့ အချိန်နှစ်မိနစ် သုံးမိနစ်လောက်ယူဖို့ ပြောထားပါတယ်။ဒါကတော့အလုပ်မှာ ပိုပြီးတော့ ထိရောက်စွာလုပ်နိုင်လာတာကို သိရှိလာနိုင်ပါတယ်။ ပြီးတော့ နှစ်မိနစ်သုံးမိနစ်လောက်အချိန်ယူပြီး နောက်ရက်အတွက်အစီအစဉ်တွေကို ချရေးလိုက်တာက စိတ်ကို ထိန်းချုပ်ဖို့ ကူညီပေးပါလိမ့်မယ်။

အချိန်ပိုနေသေးရင် တစ်ယောက်ယောက်ကို ကျေးဇူးတင်တဲ့အကြောင်း အီးမေးလ် ဒါမှမဟုတ် မက်ဆေ့ပို့လိုက်ပါ။ ကျေးဇူးတရားကိုထုတ်ဖော်ပြသတာက စိတ်ခွန်အားကိုပိုမိုမြင့်တင်နိုင်စေပါတယ်။

Writer & Translator : Su Mon

————————————————————————————————————————-

#POINT #Point Youth Platform

Intel ရဲ့စီအီးအိုဟောင်း Andy Grove က နေ့စဉ်အလုပ်ကိုမနက်၈နာရီလာပြီး ညနေခြောက်နာရီတိုင်း အလုပ်ဆင်းလေ့ရှိပါတယ်။ Facebookရဲ့ စီအိုအို Sheryl Sandberg က ခြောက်နာရီမှာ သူ့ကလေးတွေနဲ့ ညစာအတူစားဖို့ ညနေတိုင်း ငါးနာရီခွဲလောက် ရုံးဆင်းပါတယ်။ VMware ရဲ့ စီအီးအို Pat Gelsinger ကို သူ့အတွင်းရေးမှူးက ငါးနာရီမှာ အိမ်ပြန်ရောက်တဲ့အတွက် ချီးကျူးထားပါတယ်။

မင်းက ဦးဆောင်နေတဲ့လုပ်ငန်းရှင် တစ်ယောက်ပဲဖြစ်ဖြစ်၊ Freelancer(အလွတ်တန်း) တစ်ယောက်ပဲဖြစ်ဖြစ်၊ အလုပ်မှာအံဝင်ခွင်ကျနဲ့ အထိရောက်ဆုံးလုပ်ကိုင်နိုင်ဖို့ ရုန်းကန်နေရနိုင်ပါတယ်။

သူ့အချိန်နဲ့သူ ကွန်ပြူတာကို ပိတ်နိုင်ဖို့လည်း ခက်ခဲနေနိုင်ပါတယ်။ ဒါပေမဲ့ လုပ်ငန်းခွင်မှာ ထိရောက်စေဖို့က အပြုအမူအနည်းငယ်လောက်ကို ပြောင်းလဲလိုက်ဖို့ပဲလိုပါတယ်။

၁။ အာရုံစူးစိုက်ပါ။

ကျွန်တော်တို့က စိတ်ပျံ့လွင့်စရာတွေများတဲ့ကမ္ဘာကြီးထဲမှာ နေထိုင်နေကြတာပါ။ တစ်ချို့ကတော့ ကျွန်တော်တို့ရဲ့ဖုန်းတွေက အချက်ပေးသံတွေပေါ်မှာပဲ အာရုံရောက်နေကြတယ်။ Jennyက သူ့ဖေ့စ်ဘုတ်မှာ တင်ထားတဲ့ Labradoodleပုံလေးမှာ နောက်ထပ် lilkeလုပ်တဲ့ သူရှိပြီလားဆိုတာကိုကြည့်ဖို့ တစ်နေ့ကို53ခါလောက် ဖုန်းကိုစစ်ဆေးကြည့်နေသလို တခြားသူတွေကလဲ ကိုယ့်ကိုယ်ကိုပဲ အာရုံစိုက်နေကြပါတယ်။

နည်းပညာကြောင့်ဖြစ်လာရတဲ့ စိတ်ပျံ့လွင့်မှုတွေကြောင့် ကျွန်တော်တို့က ဘာမှအကျိုးမရှိတဲ့အလုပ်တွေကို လုပ်ရင်း အချိန်တွေကုန်ဆုံးနေကြတယ်လို့ Cal Newportက Deep Workဆိုတဲ့စာအုပ်ထဲမှာ ပြောထားပါတယ်။ အမြဲတမ်းစိတ်ပျံ့လွင့်နေတာကြောင့် အကျိုးရှိမဲ့စီမံချက်အများစုကို တိုးတက်လာအောင် အာရုံစိုက်ကြဖို့ မေ့လျော့နေတတ်ကြပါတယ်။

ကျွန်တော်တို့လုပ်ရမဲ့အရာက အာရုံစူးစိုက်ဖို့ပါပဲ။ လေ့ကျင့်ခန်းကိုစလုပ်တဲ့အချိန်မှာ ပထမဆုံးအကြိမ်ကို ပေါင်တစ်ရာကနေစပြီးတော့ မလုပ်ကြပါဘူး။ ကြွက်သားထွက်အောင်လုပ်မယ်ဆိုရင် ဖြေးဖြေးချင်းလုပ်ရမှာပါ။ ပြီးတော့ လေ့ကျင့်ခန်းကိုစလုပ်မယ်ဆိုရင် ဖုန်းကအချက်ပေးသံအားလုံးကိုပိတ်ထားပြီး မိနစ်သုံးဆယ်လောက်ပဲအာရုံစိုက်လုပ်လိုက်ပါ။ အဲ့ဒီလိုနဲ့ ကျွန်တော်စလုပ်ခဲ့တာပါ။

၂။ အချိန်အကြာကြီးအနားယူမယ့်အစား ခဏခဏအနားယူပေးပါ။

အလုပ်များပြိးတော့ အချိန်အကြာကြီးအလုပ်လုပ်ရတဲ့အခါမှာ အနားယူဖို့မေ့နေတတ်ပါတယ်။ ဒါမှမဟုတ် အနားယူဖို့ အချိန်မရှိဘူးလို့ထင်နေတတ်ပါတယ်။ ကံမကောင်းစွာနဲ့ ဒါက မင်းကို လုပ်ဆောင်နိုင်စွမ်း ပိုလျော့ကျသွားစေပါတယ်။

အလုပ်ကိုအထိရောက်ဆုံးလုပ်နိုင်တဲ့သူတွေက ၅၂မိနစ်အလုပ်လုပ်ပြီးတော့ ၁၇မိနစ် အနားယူကြတယ်လို့ လေ့လာမှုတစ်ခုမှာ ပြောထားပါတယ်။ တခြားသုတေသနတွေက မိနစ်သုံးဆယ်တစ်ခါအနားယူသင့်တယ်လို့ပြောထားပါတယ်။

တစ်နာရီမှာငါးမိနစ်လောက်လမ်းလျှောက်ပေးတာက အားအင်ပြည့်ဝစေပြီး နေ့လည်ခင်းပိုင်းမှာ ပင်ပန်းမှုတွေလျော့ကျစေကာ တက်ကြွလာပါတယ်။

ဒီလိုဖြစ်လာစေဖို့ မိနစ်ခြောက်ဆယ်ကြာတဲ့အစည်းအဝေးတွေကို ကျွန်တော်တားမြစ်ထားပါတယ်။ အဲ့ဒီအစား မိနစ်ခြောက်ဆယ်ကြာတဲ့အစည်းအဝေးကို မိနစ်ငါးဆယ်လောက်ဖြစ်အောင် လုပ်လိုက်ပါတယ်။ ဒါကတော့ခဏလောက်လမ်းလျှောက်ဖို့နဲ့ နောက်အစည်းအဝေးအတွက် ပြင်ဆင်ဖို့ အချိန်ကိုပေးနိုင်ပါတယ်။

၃။ အလုပ်စားပွဲမှာ နေ့လည်စာမစားပါနဲ့။

အမေရိကန်လူမျိုး ၆၂ရာခိုင်နှုန်းလောက်က သူတို့ရဲ့စားပွဲမှာပဲ နေ့လည်စာစားတတ်ကြတာကို သိပါသလား။ ကျွန်တော်ကအမေရိကန်လူမျိုးမဟုတ်ပေမဲ့ ဒီလိုလူတွေထဲမှာ ပါဝင်နေတာကိုဝန်ခံရတာ ရှက်စရာပါပဲ။ အစားစားရင်းအလုပ်လုပ်တာက ပိုပြီးတော့ ထိရောက်တယ်လို့ထင်နေကြတာမလား။ ဒါက မှားယွင်းမှုတစ်ခုပါပဲ။

နေ့လည်စာကိုအလုပ်စားပွဲပေါ်မှာမဟုတ်ပဲ တစ်နေရာရာမှာစားတဲ့ရိုးရှင်းတဲ့လုပ်ဆောင်ချက်တစ်ခုက အလုပ်နေရာမှာစိတ်ဖိစီးမှုတွေလျော့ချပေးပြီး နေ့လည်ပိုင်းမှာ ပိုပြီးတက်ကြွလာစေနိုင်တယ်လို့ သုတေသနတွေက ပြောထားပါတယ်။ အိမ်ခြံမြေအကျိုးဆောင်ကုမ္ပဏီ CBRE တွင် Torontoရုံးခန်းက သူတို့ရဲ့အလုပ်စားပွဲမှာ နေ့လည်စာစားခြင်းကို တားမြစ်ထားပါတယ်။

၄။ လွယ်ကူတဲ့အလုပ်နဲ့ စတင်လိုက်ပါ။

ပရောဂျက်တစ်ခုကိုစပြီးတော့လုပ်ဖို့ ထိုင်လိုက်တဲ့အချိန်မှာ မင်းကစိတ်တွေပျံ့နှံ့ပြီး ဘယ်ကစလုပ်ရမှန်းမသိ ဖြစ်နေတတ်ပါတယ်။ တစ်ခါတလေမှာ စတင်ဖို့ ခက်ခဲနေတတ်ပါတယ်။

Ernest Hemingway လို စာရေးဆရာတွေတောင် ဒီပြသနာကို ရှောင်ရှားလို့မရပါဘူး။ မနက်ပိုင်းမှာ တက်ကြွမှုတွေနဲ့ စတင်နိုင်ဖို့ Hermingway က သူ့ရဲ့အရေးအသားတွေကို တစ်ဝက်လောက်မှာ အဆုံးသတ်ထားလေ့ရှိပါတယ်။ သူကစာကြောင်းကိုအဆင်သင့် ဆက်ရေးနိုင်တဲ့အတွက်ကြောင့် နောက်ရက်မှာ စလုပ်ဖို့လွယ်ကူစေတယ်လေ။

Hermingwayရဲ့နည်းလမ်းက လွယ်ကူတဲ့အလုပ်ကိုစတင်တဲ့နည်းလမ်းနဲ့ စာရေးသားခြင်းပဲ ဖြစ်ပါတယ်။ လွယ်ကူတဲ့အလုပ်နဲ့ စတင်တဲ့အတွက်ကြောင့် ပျင်းရိနေတဲ့ဦးနှောက်ကို အစပျိုးပေးလိုက်တာပါပဲ။

၅။ အလုပ်ကို အိမ်မယူသွားပါနှင့်

ရုံးဆင်းပြီး အိမ်ပြန်ရောက်တဲ့အခါမှာ အလုပ်ထပ်လုပ်ဖြစ်ဖို့က လွယ်ပါတယ်။ မင်းက ဒီလိုပုံစံ မဟုတ်ဘူးဆိုရင်တောင် ငါးနာရီကျော်သွားပေမဲ့ အလုပ်ကရလာတဲ့စိတ်ဖိစီးမှုတွေက စိတ်ထဲမှာ တဝဲလည်လည်ဖြစ်နေဖို့ လွယ်ကူပါတယ်။

အလုပ်ကစိတ်ဖိစီးမှုတွေကိုလျော့ချဖို့ဆိုတာက ရုံးဆင်းတာနဲ့ မင်းရဲ့အလုပ်တွေကို စိတ်ထဲမှာ တဝဲလည်လည်မဖြစ်နေဖို့လိုတယ်လို့ စာရေးဆရာDan Pink ကအကြံပေးထားပါတယ်။ ပြီးတော့ အထူးသဖြင့် သူက တစ်နေ့တာ လုပ်ဆောင်ပြီးမြောက်ခဲ့တာတွေကို ချရေးဖို့ အချိန်နှစ်မိနစ် သုံးမိနစ်လောက်ယူဖို့ ပြောထားပါတယ်။

ဒါကတော့အလုပ်မှာ ပိုပြီးတော့ ထိရောက်စွာလုပ်နိုင်လာတာကို သိရှိလာနိုင်ပါတယ်။ ပြီးတော့ နှစ်မိနစ်သုံးမိနစ်လောက်အချိန်ယူပြီး နောက်ရက်အတွက်အစီအစဉ်တွေကို ချရေးလိုက်တာက စိတ်ကို ထိန်းချုပ်ဖို့ ကူညီပေးပါလိမ့်မယ်။

အချိန်ပိုနေသေးရင် တစ်ယောက်ယောက်ကို ကျေးဇူးတင်တဲ့အကြောင်း အီးမေးလ် ဒါမှမဟုတ် မက်ဆေ့ပို့လိုက်ပါ။ ကျေးဇူးတရားကိုထုတ်ဖော်ပြသတာက စိတ်ခွန်အားကိုပိုမိုမြင့်တင်နိုင်စေပါတယ်။

Writer & Translator : Su Mon

 

Current

Leave a Reply

Your email address will not be published. Required fields are marked *