အလုပ်တွေပိုမိုတွင်ကျယ်လုပ်ကိုင်နိုင်အောင် ဘယ်လိုဆောင်ရွက်မလဲ။

#POINT #PointYouthPlatform

လုပ်ငန်းခွင်မှာလည်း သင့်ရဲ့လုပ်ငန်းပိုမိုပြီးမြောက်မြန်ဆန်စေဖို့ လုပ်နိုင်သောနည်းလမ်းတွေရှိပါသေးတယ်။
၁။ လုပ်ငန်းတာဝန်တွေခွဲဝေ တာဝန်ပေးပါ
အလုပ်တွေတွင်ကျယ်စေဖို့နည်းလမ်းကတော့ အလုပ်တာဝန်တွေကိုခွဲဝေပေးအပ်ခြင်းပါပဲ။ ကိုယ့်ရဲ့အဓိကအားထားရသော အလုပ်အပေါ်မှာအာရုံစိုက်ပြီး ကျန်တဲ့အလုပ်တွေကိုတော့ တခြားသူတွေကို ခွဲဝေပေးလိုက်ပါ။
တကယ်လို့ ကိုယ်ခွဲဝေပေးလို့ရတဲ့သုူလည်းမရှိဘူး ဘယ်သူကမှလည်း ကိုယ့်ကိုမကူညီနိုင်ဘူးဆိုရင်တော့ ကိုယ်လုပ်ရမယ့်အလုပ်တွေကို ဦးစားပေးခွဲခြားကာ အဆင့်တစ်ခုသတ်မှတ်ပြီးလုပ်ကိုင်ခြင်းဖြင့် ပိုမိုကောင်းမွန်သော ရလာဒ်တွေကို ရရှိနိုင်မည်ဖြစ်သလို လုပ်ငန်းလည်းပိုမိုတွင်ကျယ်လာစေမှာပါ။
၂။ အစည်းအဝေးတွေကို ပိုမိုထိရောက်အောင်လုပ်ဆောင်ပါ
အစည်းအဝေးတွေဟာ ငွေရော လူရော အချိန်ပေးကာ လုပ်ဆောင်ရသောအရာတွေဖြစ်ပါတယ်။ တကယ်လို့ မလိုအပ်ပဲ အစည်းအဝေးတွေလုပ်ဆောင်တယ်ဆိုရင်တော့ အစည်းအဝေးတက်ရောက်တဲ့လူတွေဟာ အစည်းအဝေးထက် Email ပြန်တာတို့ တခြားကိစ္စတွေမှာ အာရုံစိုက်နေမှာဖြစ်သည့်အတွက် အစည်းအဝေးကျင်းပသည့်အခါမှာ ပိုမိိုထိရောက်စွာ လုပ်ဆောင်နိုင်သော နည်းလမ်းကို အသုံးပြုသင့်သလို မလိုအပ်ဘဲ အစည်းအဝေးတွေ မခေါ်ဖို့လည်း သတိပြုရမှာဖြစ်ပါတယ်။
၃။ ငြင်းပယ်ပါ
တခြားသူတွေကို ငြင်းပယ်ပြီး ကိုယ့်ကိုယ်ကိုယ် လက်ခံနိုင်င်အောင် သင်ယူပါ။ တခြားလူတွေကို ကူညီတာကကောင်းပေမယ့်လည်း အဲ့ဒါတွေက ကိုယ့်လုပ်ငန်းကို ပြီးမြောက်အောင်လုပ်ကိုင်ဖို့အတွက် မလိုလားအပ်သော ဖိအားတွေကို ကြုံတွေ့စေနိုင်ပါတယ်။ ဒါ့ကြောင့်ပိုပြီး ထောက်ပြပြောဆိုကူညီပေးသင့်ပေမယ့်လည်း မလိုလားအပ်သောအလုပ်တွေကိုတော့ ငြင်းဆိုသင့်ပါတယ်။
၄။ (၂) မိနစ်စည်းမျဉ်း
(၂) မိနစ်စာစည်းမျဉ်းဆိုပြီး ပညာရှင် David Allen ပြောထားတာရှိပါတယ်။ အဲ့ဒါကတော့ တစ်ခုခုကို အချိန် ၂ မိနစ်အတွင်းလုပ်ကိုင်နိုင်တယ်ဆိုရင် အဲ့ဒါကို အခုချက်ချင်းထလုပ်လိုက်ပါဆိုတာပါပဲ။
အဲ့စည်းမျဉ်းကိုလိုက်နာခြင်းဖြင့် သင့်ပတ်ဝန်းကျင်က လုပ်စရာရှိတာအတော်များများကို ရှင်းထုတ်နိုင်မည်ဖြစ်သလို ကိုယ်လုပ်စရာရှိတာတွေပြီးမြောက်သွားတဲ့ ခံစားချက်က သင့်လုပ်ငန်းခွင်မှာ ပိုမိုကောင်းမွန်သော အလုပ်ပြီးမြောက်မှုကို ဦးဆောင်စေနိုင်မှာဖြစ်ပါတယ်။

Translator : Thiha Aung

Career

Leave a Reply

Your email address will not be published. Required fields are marked *